CAMIÑO DE SANTIAGO

Unha das propostas para preparar as Vodas de Prata parroquiais que culminaremos, o 4 de Outubro do 2015, está a de percorrer o Camiño Francés a Santiago de Compostela dende o Cebreiro. Farémolo en 7 etapas, sempre en sábados. Comezaremos o primeiro sábado de Xullo (os catro sábados deste mes), descansaremos en Agosto, e continuaremos os tres sábados de Setembro.

Comunidade Toca de Assis. Foto de Citydesert

Como é sabido, o vindeiro 18 de Xuño comezará o 800 aniversario da peregrinación de S. Francisco de Asís a Santiago de Compostela. A nosa parroquia, baixo o seu patrocinio, quere empezar este aniversario facendo tamén o camiño.

Xa falamos coa comunidade franciscana no Cebreiro para ter unha breve oración con eles nesta primeira xornada do 6 de Xullo. Se pensas camiñar connosco, anótate canto antes para ir concretando tódolos detalles.

ESTAS SERÁN AS ETAPAS E AS DATAS:

XULLO

6 O Cebreiro Triacastela
13 Triacastela Sarria
20 Sarria Portomarín
27 Portomarín Palas de Rei

SETEMBRO 

7 Palas de Rei Melide
14 Melide Arzúa
21 Arzúa Arca (O Pino)

OUTUBRO

5 Arca Santiago

Serán oito xornadas de:

• Sacrificio
• Convivencia
• Reflexión
• Oración
• Coñecemento do medio
• Encontro con outros peregrinos
• E máis...