VODAS DE PRATA DA PARROQUIA

No ano 2015 (queda lonxe, pero non tanto) imos celebrar as vodas de prata da parroquia.

Vintecinco anos de vida. A vida da parroquia non tería sentido se non vivifica,  se non dá vida.

Foron anos dun traballo dedicado a dar vida, a anunciar a VIDA con letras grandes que é Xesús.

Non foi pouca a xente que pasou pola nosa parroquia dende aqueles momentos en que non só a parroquia, senón as urbanizacións que territorialmente a compoñen, estaban no proceso da súa formación. Que momentos! ¿Acórdanse dos problemas do transporte, da auga, o bloqueo da estrada a Santiago? A Igrexa nos Tilos non foi allea. Estaba en primeira fila. O piso do cura foi durante tempo o lugar onde se reunía a asociación de vecinos, onde se xestionaba o transporte, onde se acordaba o qué facer ante tanto problema acumulado. A parroquia neste tempo estivo en primera líña cedendo locais ó concello para a gardería, a asociación cultural, o inicio da primeira biblioteca, das primeiras actividades.

Tempos aqueles…! Posiblemente, agora que estás lendo isto xa non lembres tanta historia aínda recente, pero moitas veces xa esquecida. Pode ser que cando chegaches á urbanización, onde vives, os problemas gordos xa estaban solucionados e entón penses que sempre foi así. Non, non sempre foi así. O compromiso foi de moita xente agora anónima e moita xente comprometida dende a súa conciencia de ser cristiá, membros desta parroquia, aínda en estado de futuro pero xa xermolando ata que aquel domingo de primeiras comuñóns celebradas no colexio (quedaramos sen local, só o piso no que estaban as oficinas da asociación de veciños) foi o tiro de saída.

Seguiremos falando.