Neste mes celébranse dúas grandes solemnidades,
a da Santísima Trinidade e a de Corpus. A primeira achéganos ao misterio do
AMOR de Deus que ten como preferencia ás persoas: creando para elas un espazo
de liberdade e de felicidade e poñendo no seu corazón unha semente de AMOR que
se ha transmitir como a mellor mensaxe creadora, un Deus Pai que tamén é
providente, é dicir, coida dos seus e trátaos coma fillos; nesa festa tamén
aparece o seu Fillo que se entrega con infinito AMOR para salvarnos e que
permanece connosco na Eucaristía, como alimento (festa de Corpus), amigo e guía
que sempre nos acompaña; así mesmo aparece Deus Espírito Santo que, como
lembramos en Pentecoste, nos fortalece e ilumina para que nos manteñamos fieis
no camiño do AMOR.
Deus é AMOR.
Tamén coincide neste mes a festa de tres santos
moi importantes dentro das celebracións litúrxicas: San Xoán Bautista, que
preparou o camiño de Xesús, anunciando a chegada do Mesías Salvador, cunha vida
de austeridade invitando a todos á conversión. Por outra parte está a festa de
dous grandes apóstolos, San Pedro, a quen Xesús escolleu sendo pescador no mar
de Galilea para constituílo como cabeza da súa Igrexa, e a San Paulo no camiño
de Damasco cando aínda non comprendera a verdadeira mensaxe de Xesús, para converterse
logo nun apóstolo que anunciou sen parar a Palabra de Deus.
No hay comentarios:
Publicar un comentario
O noso blog necesita dos teus comentarios!