Cómo se escribiu a Biblia
Foi un proceso lento que durou moitos anos, a partir de:
1. Acontecementos da historia do podo de Israel con acertos e erros,
luces e sombras, pecado e graza.
2. Coa lectura crente da súa historia o pobo foi descubrindo a man de
Deus que o amaba e o escolleu para establecer con el unha alianza de salvación
e unha esperanza que foi avanzando no tempo.
3. Esa lectura crente foise transmitindo oralmente de pais a fillos
con gran fidelidade, como un tesouro, como unha memoria continua da actuación
de Deus a favor deles.
4. En pequenos documentos escritos foise recollendo esa tradición oral
que lían nas reunións ou lles servía para orar.
5. Deste xeito foise avanzando na composición dos diferentes libros
con relatos recollidos, unidos e elaborados por diferentes autores ata chegar
aos libros que temos hoxe e que a Igrexa nos presenta como revelados e como
Palabra de Deus.
O Tempo de Coresma pódese converter nun tempo de especial dedicación á
lectura da Biblia para ir descubrindo ese camiño que Deus nos presenta e ir mellorando
en actitudes persoais de conversión.
A Palabra móstranos o camiño de reencontro con Deus e cos irmáns.
No hay comentarios:
Publicar un comentario
O noso blog necesita dos teus comentarios!