O coñecemento da
Biblia é imprescindible se queremos coñecer a Deus, por iso a Igrexa diocesana propón para este curso afondar no seu coñecemento e tela en conta á hora de
actuar.
Deste xeito a
Palabra de Deus convértese en luz e guía; elimina as tebras e as dúbidas ao
mesmo tempo que nos leva da man mantendo viva a nosa esperanza.
O eslógan
lémbranos as palabras de Pedro: “Señor, ti tes palabras de vida eterna”. A
palabra de Deus é vida, é actual.
O mellor
compromiso que poderiamos facer podería ser ter unha Biblia na casa, tela en
lugar visible, como facemos no templo parroquial e, por suposto, lela.
A Biblia componse
de 73 libros ou, para entendernos, composicións literarias de varios autores do
pobo de Israel ou de persoas que tiveron en contacto directo con Xesús ou cos
seus apóstolos, uns máis extensos e outros máis breves; por ex.: a segunda carta
de S. Xoán, na Biblia galega, só ten 39 liñas, e está considerada como un libro.
Divídese en dúas
grandes partes: Antigo e Novo Testamento, segundo sexan anteriores ou posteriores
a Xesús. O Antigo foi escrito en lingua hebrea, excepto algúns capítulos de
Esdras e Daniel, que o foron en arameo. O Novo foi escrito en grego, excepto
Mateo que o foi en arameo.O canon
(catálogo) católico de libros inspirados estableceuse no Sínodo Romano
do ano 382 e confirmouse definitivamente no Concilio de Trento (século XVI), os
mesmos que xa admitira o Concilio de Florencia no s. XV.
A Biblia conta a
salvación de Deus na historia de Israel e o testemuño apostólico que recolleron
os primeiros cristiáns.
No hay comentarios:
Publicar un comentario
O noso blog necesita dos teus comentarios!