Queridos Reis Magos: Xa non son un neno pero sigo tendo a ilusión dos nenos. Espero que chegue o 6 de Xaneiro xa que confio en que ides cumprir os meus desexos. Esta carta, que hoxe fago pública, xa lIa presentei o día de Nadal a Xesús, a María e a Xosé. Confio que vola farían chegar.
Pedíavos que usarades a vosa maxia para convencer aos poderosos e aos ricos de que canto máis compartan máis felices serán, poi s verán aos sen teito, aos famentos, aos sen traballo, aos enfermos, aos nenos moito máis felices porque recuperaron a alegría grazas a que os ricos deixaron de ollar para ás súas riquezas e se fixaron na xente que estaba a sufrir. Estou seguro de que poñeredes toda a xente que vos rodea a con- seguir esta petición. Tamén vos pido moita alegría, moita, para os que están tristes. Hai moita xente que perdeu hai tempo o sorriso, Penso que nunca o deberían perder pero sí, xa non rin. O peor é que, como todo se contaxia tamén deixaron de sorrir os seus familiares, os seus veciños, os compañeiros e amigos. Están todos con cara triste e como enfadados. Eu pensei que, co nacemento de Xesús, ían vivir máis contentos, pero estou vendo que non é así, que pasou Nadal e Aninovo e seguen tristes.
Pedíavos outra causa máis: Traédelle saúde aos enfermos. Coñezo moitos enfermos e queren recuperar a súa saúde. Xa sei que hai médicos, enfermeiras e hospitais moi bos pero con isto da crise económica estamos moi preocupados. Traédelle tamén unhas pastillas de ánimo para todos eles e para os seus familiares.
Espero que aínda que o día 6 de Xaneiro non vexa cumpridas as miñas peticións, que, ao longo do ano 2012, vaian chegando os vosos regalos e a vosa maxia.
Grazas, maxestades.
Benjamín
No hay comentarios:
Publicar un comentario
O noso blog necesita dos teus comentarios!