Alí en Palestina, hai uns dous mil anos, encendeuse unha luz. Un home, Xesús, empezou a anunciar unha nova forma de vivir, feita de amor, de entrega persoal, de confianza plena en Deus. E, en nome dese Deus, a quen el chamaba Pai, curou enfermos, levantou espíritos abatidos, proclamou unha nova esperanza para os pobres. E, por iso, porque transformaba demasiadas cousas, porque quería un mundo totalmente renovado,matárono no suplicio ignominioso da cruz.
Nós, cada ano, nestes días de Semana Santa, recordamos e contemplamos a este Xesús torturado e morto. E, cheos de Fe, afirmamos que Deus o resucitou, e o recoñecemos como luz que ilumina toda escuridade. Cheos de fe,afirmamos que Xesús é o Fillo de Deus, Deus presente entre nós, e queremos seguilo de todo corazón, porque o seu camiño é camiño de vida.
No hay comentarios:
Publicar un comentario
O noso blog necesita dos teus comentarios!