lunes, 6 de diciembre de 2010

Preparando a Peregrinación

O día 19 de decembro, ás 16:30, peregrinaremos a xunto do Apóstolo Santiago, con outras parroquias da Diocese. Desexamos que todas as familias (cos seus nenos) tamén peregrinen.
Estas son as cousas a ter en conta:
Cartel do Ano Santo Compostelano 2010

  1. Para gañar as grazas xubilares é preciso: 
    • Visitar a Catedral.
    • Confesar e comungar (pódese facer outro día diferente do da peregrinación). Na parroquia teremos celebración penitencial o día 12, domingo, ás 11 da mañá.
    • Rezar o Noso Pai e o Credo, e pedir polas intencións do Papa.
  2. Os que pasen pola Porta Santa, por razón da moita xente que hai este Ano Santo, deberán saír por outra porta indicada, que leva de novo á Praza da Quintana.
  3. Para entrar na Catedral para a Misa é obrigatorio facelo pola Porta de Praterías (está prohibido pasar mochilas).
  4. A parroquia dos Tilos intentará situarse na ala-cruceiro da nave de Praterías.
  5. Os que queiran ir camiñando sairán da parroquia ás 3 da tarde.
  6. Os menores de idade deben ir acompañados dos seus pais ou titores.
A graza do Xubileo consiste fundamentalmente nunha indulxencia plenaria, para o perdón da pena temporal que merecen os nosos pecados.

¡Animádevos a participar desta peregrinación en comunidade e en Fe!

No hay comentarios:

Publicar un comentario

O noso blog necesita dos teus comentarios!